Belgili qalamger, memleket jáne qoǵam qairatkeri Seidahmet Quttyqadam dúnieden ótti. Tanymal azamattyń qazasyna orai Memleket basshysy Quttyqadam otbasyna kóńil aitý jedelhatyn joldady, – dep habarlaidy Dalanews.kz.
Prezident Qasym-Jomart Toqaev belgili jýrnalist, ǵalym, qoǵam qairatkeri Seidahmet Quttyqadamnyń dúnieden ótýine bailanysty otbasy men jaqyn týystaryna kóńil aitty.
– Seidahmet Rysqojauly uzaq jyldar ulttyq ǵylymnyń, otandyq jýrnalistikanyń damýyna eleýli úles qosyp, ulaǵatty urpaq tárbieledi. Ainalasyna syily azamattyq bolmysymen barshanyń zor qurmetine bólengen Seidahmet Rysqojaulynyń jarqyn beinesi ony biletin jurtshylyqtyń júreginde máńgi saqtalady. Marqumnyń imany salamat, jany jánnatta bolsyn, – dep jazylǵan jedelhatta.
