Áleýmettik jelide belgisiz adamdardyń Ulttyq ulan sarbazyn poiyz tambýrynda soqqyǵa jyqqan vidosy taralýda. QR Prezidentiniń keńesshisi – Prezidenttiń Baspasóz hatshysy Berik Ýáli óziniń Feisbýktaǵy paraqshasyna bul jaǵdaimen Memleket basshysynyń habardar bolǵanyn jáne quzyrly oryndarǵa qoǵamdyq tártipti buzǵandardy taýyp jazalaýdy tapsyrǵanyn alǵa tartty.
– Prezident belgisiz adamdardyń Ulttyq ulan sarbazyn poiyz tambýrynda urǵany taspalanǵan beinematerialmen tanysyp shyqty. Memleket basshysy Ishki ister ministri Erjan Sádenovke qaskóilerdi ustap, zańnamaǵa sáikes jaýapqa tartý úshin shuǵyl sharalar qabyldaýdy tapsyrdy.
Áskerdegi jáne basqa da kúshtik uiymdardaǵy zorlyq-zombylyqtyń barlyq faktisi Prezidentke baiandalady. Mundai jaǵdailar baqylaýǵa alynady.
Qasym-Jomart Toqaev biylǵy 2 qyrkúiektegi Joldaýynda jas sarbazdardyń densaýlyǵy men abyroi-bedeline qol suǵýǵa jol bermeý qajet ekenine nazar aýdarǵan edi. Sonymen qatar bul máselege áskeri qurylymdardyń basshylary tikelei jaýapty ekenin aitqan bolatyn.
