Ol Din isteri boıynsha memlekettik komısıa tóraǵasy qyzmetinen negizsiz bosatylǵanyn aıtady.
– Qyzmetten alǵan kezde prezıdent pen onyń baspasóz hatshysy (red. Galına Báıterek) meni ekstremıstke teńep qoıdy, – degen Toktalıev olardan 100 mıllıon som ótemaqy men keshirim suraýdy talap etip jatyr.
Toktalıev Bishkektiń Birinshi maı aýdandyq sotyna 8 shildede shaǵym túsirgen. Biraq aryzda kemshilikter bar dep 12 shildede keri qaıtarǵan. Ertesi Toktalıev aryzyn tolyqtyryp, qaıta sotqa bergenin málimdedi.
Bul máselege qatysty prezıdent ákimshiligi men Galına Báıterek túsinikteme bermedi.
Akın Toktalıevtiń dinı mazmundaǵy daýly pikirleri osyǵan deıin de talqyǵa túsip kelgen. Ol bul qyzmetke 2020 jyldyń 13 qarashasynda taǵaıyndalyp, 2021 jyldyń 9 aqpanynda bosatylǵan. Ol buryn Sadyr Japarovtyń advokaty da bolǵan.
