Prezident Kárim Másimovke Jer reformasy jónindegi komissiia jumysynyń nátijesin usynýdy tapsyrdy
Kezdesý barysynda K.Másimov Nursultan Nazarbaevqa el damýynyń negizgi áleýmettik-ekonomikalyq kórsetkishteri, basty memlekettik baǵdarlamalardyń iske asyrylýy, sondai-aq Jer reformasy jónindegi komissiianyń qazirgi qyzmeti týraly baiandady.
Memleket basshysy jyl sońyna deiin birqatar mańyzdy mindetterdi sheshýdi qamtamasyz etý qajettiligin atap ótti.
– Birinshiden, ekonomikalyq kórsetkishterdiń tómendeýine jol berilmeýi tiis, ol úshin barlyq jaǵdai jasalǵan, qajetti qarajattar bólingen, jumystyń tiisti baǵyttary anyqtalǵan. Ekinshiden, astyq jinaý men kúzgi-qysqy kezeńge daiyndyq máselelerine nazar aýdarý qajet. Sonymen birge EKSPO-2017 kórmesi men 2017 jylǵy qysqy Ýniversiadaǵa ázirlikti jalǵastyrý kerek, – dedi Qazaqstan Prezidenti.
Budan bólek, Nursultan Nazarbaev eldiń odan ári indýstriialyq-innovatsiialyq damýyn qamtamasyz etý jáne turǵyndardyń ál-aýqatyn arttyrý úshin sharalar qabyldaý qajettigine nazar aýdardy.
Sondai-aq Elbasy jýyq arada Jer reformasy jónindegi komissiianyń jumys nátijelerin usynýdy tapsyrdy.
– Tamyz aiynyń sońynda biz Úkimettiń keńeitilgen otyrysyn ótkizip, aldyn ala qorytyndylaryn jasaý jáne ary qaraiǵy is-qimyldy aiqyndaý úshin barlyq atalǵan máselelerdiń sheshimin ázirleýdi suraimyn, – dedi Memleket basshysy.
Elbasy kezdesý qorytyndysy boiynsha birqatar naqty tapsyrma berdi.
Derekkózi: Qazaqparat
