Prezident belgili jazýshy Tólen Ábdikke jedelhat joldady, - dep habarlaidy Dalanews.kz.
Memleket basshysy Qasym-Jomart Toqaev Qazaqstannyń halyq jazýshysy, dramatýrg, qoǵam qairatkeri Tólen Ábdikke «Egemen Qazaqstan» gazetinde jariialanǵan suhbatyna orai jedelhat joldady.
– «Egemen Qazaqstan» gazetine bergen suhbatyńyzdy muqiiat oqyp shyqtym. Ózekti oi-tolǵamdaryńyz arqyly ult rýhaniiaty úshin qundy dúnieler aitylǵan. Tól ádebietimizdiń damý kókjiegine qatysty syn-pikirlerińiz ben jas býynǵa qarata aitqan aqyl-keńesterińiz oryndy dep sanaimyn. Shyn máninde, jahandy jailaǵan qazirgidei qubylmaly zamanda jazýshylar qaýymy kórkem týyndylary arqyly ádildik, jaqsylyq jáne adamdyq qundylyqtaryn keńinen dáriptegeni jón. Bul elimizdiń keleshegi úshin óte mańyzdy. Qalamyńyz qarymdy bolsyn! Sizge myqty densaýlyq, baq-bereke jáne tolaiym tabys tileimin! – delingen jedelhatta.
