Prezident Almatydaǵy oqiǵany terakt dep baǵalady
– Ókinishke orai, búgin Almatyda lańkestik oqiǵa oryn alyp, birneshe adam qurban boldy. Oqiǵa kezinde mert bolǵan azamattardyń otbasylary men týystaryna qaiǵyryp kóńil aitamyn. Jaraqat alyp, zardap shekkenderge psihologiialyq, moraldyq kómek tolyqtai kórsetilýde. Quqyq qorǵaý organdary oqiǵanyń qaitalanbaýy úshin barlyq sharalardy qarastyrýda, – dedi.
Qaýipsizdik keńesiniń otyrysynda QR Ishki ister ministri Q.Qasymov pen QR Ulttyq qaýipsizdik komitetiniń tóraǵasy V.Jumaqanov baiandama jasady.
Óz kezeginde Elbasy halyqty jalǵan aqparattyń jeteginde ketpei, sabyrly bolýǵa shaqyrdy.
Keńes sońynda Elbasy Ishki ister ministrine oqiǵa orynyna baryp, Almaty qalasynyń ákimimen birge tergeý-tekserý jumystaryn baqylaýǵa alyp, qaladaǵy jaǵdaidy turaqtandyrý úshin qajetti is-sharalardy qabyldaýdy tapsyrdy.
Sonymen qatar Memleket basshysy QR Aqparat jáne kommýnikatsiialar ministriligine halyqqa shynaiy aqparatty jetkizip, el turǵyndarynyń árbir suraǵyna tiianaqty jaýap berýdi tapsyrdy.
