ShQO-da qaita jańǵyrtýdan keiin taǵy eki temirjol vokzaly ashyldy, dep habarlaidy dalanews.kz
Altai aýdanynda temirjol infraqurylymy nysandaryn jańǵyrtý baǵdarlamasy aiasynda birden eki temirjol vokzalyn aýqymdy qaita jańǵyrtý jumystary aiaqtaldy.
Onyń biri Serebriansk qalasyndaǵy Kúmistaý stantsiiasynda ornalasqan. Vokzal ǵimaraty 1954 jyly salynsa, sońǵy kúrdeli jóndeý jumystary 2013 jyly júrgizilgen.
Qaita jańǵyrtýdan keiin Zýbovsk kentindegi Altai stantsiiasynyń vokzaly da ashyldy. 1953 jyly salynǵan bul ǵimaratta da sońǵy kúrdeli jóndeý jumystary 2013 jyly júrgizilgen bolatyn.
Ashylý rásimine Altai aýdanynyń ákimi Renat Qurmambaev, «Qazaqstan temir joly» UK» AQ ókilderi, temirjol salasynyń ardagerleri, Aqsaqaldar keńesiniń músheleri, óńir turǵyndary men qonaqtary qatysty.
Nysandardyń tarihi kelbeti saqtala otyryp, infraqurylymy tolyq jańǵyrtyldy. Tehnikalyq qaita jaraqtandyrý aiasynda ǵimarattardyń jylytý júiesi tolyǵymen aýystyryldy. Vokzaldarda alǵash ret avtomattandyrylǵan aýa baptaý jáne jeldetý júieleri ornatyldy.
Energiia tiimdiligin arttyrý jáne jylý shyǵynyn azaitý maqsatynda shatyr, terezeler men esikter aýystyryldy. Budan bólek, vokzal keshenderi múmkindigi shekteýli azamattardyń qajettilikterine 100 paiyz beiimdelgen.
Munda talapqa sai tutqalary bar pandýstar ornatylyp, taktildi plitkalar tóselip, Brail qarpimen jazylǵan navigatsiialyq elementter men aqparattyq belgiler qoiyldy.
Qaita jańǵyrtý syrtqy infraqurylymdy da qamtydy. Atap aitqanda, vokzal mańyndaǵy aýmaq abattandyrylyp, perron jańartyldy.
Osylaisha, Kúmistaý jáne Altai stantsiialaryndaǵy jańǵyrtylǵan vokzaldar jolaýshylar tasymalynyń qaýipsizdigi men jailylyǵy boiynsha zamanaýi talaptarǵa tolyq sáikes keledi.
