Astana – Petropavl baǵytyndaǵy poiyzda jolaýshy sanitarlyq júieniń aqaýynan zardap shekti, dep habarlaidy Dala News.
Oqiǵa Taiynsha – Smirnovo aralyǵynda bolǵan. Platskart vagonynda kele jatqan áiel ájethanaǵa kirgen sátte biotýalet isten shyǵyp, ishindegi qaldyqtar syrtqa atqylap ketken. Nátijesinde jolaýshynyń kiimi men ájethana ishi tolyq lastanǵan.
Jábirlenýshiniń aitýynsha, oqiǵa kezinde vagon qyzmetkerleri jaǵdaidy qalypty qabyldap, odan tasymaldaýshyǵa shaǵymy joq ekeni týraly qolhat jazýdy suraǵan.
Alaida jolaýshy bul usynystan bas tartyp, kóliktegi sanitarlyq-epidemiologiialyq baqylaý departamentine shaǵym túsirgen. Sonyń negizinde tekseris júrgizildi.
Tekserý barysynda aqaýǵa ájethana júiesiniń bitelýi sebep bolǵany anyqtaldy. Biotýaletke jolaýshylar tarapynan plastik bótelkeler men taǵam qaldyqtary tastalǵan.
«Qazaqstan temir joly» kompaniiasy bul jaǵdaidy sanitarlyq talaptardy saqtamaýmen bailanystyrdy.
Qyzmettik tekseris nátijesinde poiyz bastyǵy jumystan bosatylyp, ýchaske basshysyna qatań sógis jariialandy.
Kompaniia jolaýshylardy biotýaletterdi paidalaný erejelerin saqtaýǵa shaqyrdy.
