Qazaqstan İİM Interpol arnalary arqyly Vetnamda zańsyz oıyn bıznesin uıymdastyrdy degen kúdikpen izdeýde bolǵan blogerdi ustady, dep habarlaıdy Dala News.
Vedomstvo málimetinshe, kúdikti Sosıalısik Vetnam Respýblıkasynyń Kamran qalasynda jergilikti quqyq qorǵaý organdarymen birlesken operasıa barysynda qolǵa túsken.
Tergeý derekterine sáıkes, bloger áleýmettik jelilerde onlaın-kazınony jarnamalap, paıdalanýshylardy qumar oıyndarǵa júıeli túrde tartqan.
Nátıjesinde ol 100 mln teńgeden astam kólemde zańsyz tabys tapqany aıtyldy. Qarajat onyń atyna tirkelgen krıptovalútalyq ámıanǵa aýdarylyp otyrǵan.
Qazirgi ýaqytta kúdiktini Qazaqstanǵa ekstradısıalaý máselesi qarastyrylyp jatyr.
İİM málimetinshe, shetelge qashý qylmystyq jaýapkershilikten bosatpaıdy.
«İzdeýde júrgen árbir adam anyqtalyp, ustalyp, Qazaqstanǵa jetkiziledi. Bul – ýaqyt máselesi», – dep atap ótti vedomstvo.
