Mańǵystaý oblysynyń qylmystyq ister jónindegi mamandandyrylǵan aýdanaralyq sotynda esirtki qylmysyna qatysty is qaraldy, - dep habarlaidy Dalanews.kz.
Memlekettik aiyptaýshy A.-ǵa 11 jylǵa bas bostandyǵynan aiyrý jazasyn taǵaiyndaýdy surady. A. men onyń qorǵaýshylary aqtaýdy surady. Is boiynsha A.-nyń qylmystyq jaýaptylyǵy men jazasyn jeńildetetin ne aýyrlatatyn mán-jailar anyqtalǵan joq.
"Alqabilerdiń kesimimen A. kináli dep tanylyp, oǵan 10 jylǵa bas bostandyǵynan aiyrý jazasy taǵaiyndaldy. Úkim zańdy kúshine engen joq", - dep jazylǵan habarlamada.
Lada.kz málimetinshe, 10 jylǵa bas bostandyǵynan aiyrylǵan adam - Batys Qazaqstan oblysy politsiia bastyǵynyń orynbasary Talǵat Arynovtyń uly Nurjan Arynov.
2023 jyly politsiia polkovniginiń uly Telegram messendjeri arqyly psihotrop zattardy taratýǵa tyrysqany belgili boldy. Bul is Mańǵystaý oblysynyń qylmystyq ister jónindegi mamandandyrylǵan aýdanaralyq sotynda alqabilerdiń qatysýymen qaraldy. 2024 jyly 15 mamyrda Nurjan Arynovqa aqtaý úkimi shyǵaryldy.
Prokýratýra iste tolyq dálel, eki kýágerdiń aiǵaqtary jáne sottalýshynyń kinásin rastaityn tergeý áreketteriniń basqa hattamalary jinalǵanyn habarlady. Shildede sot alqasy oblys prokýratýrasynyń ótinishin qarady, osylaisha alqabiler sotynyń aqtaý úkimin joidy. Is qaita qaraýǵa jiberildi.
