Almaty oblysynyń polısıa departamenti (PD) ustalǵan soń jansaqtaý bólimine túsken saıası jáne qoǵam qaıratkeri Rysbek Sársenbaıǵa kúsh qoldanylmaǵanyn jetkizdi, dep habarlaıdy Dalanews.kz.
“9 naýryzda Almaty oblysy Talǵar aýdandyq İİB qyzmetkerleri azamat R.Sársenbaıdy sotta josparlanǵan ákimshilik istiń qaralýyna baılanysty Qazaqstan Respýblıkasynyń beıbit jınalystar týraly zańnamasyn buzý faktisi boıynsha polısıa bólimshesine ákeldi. Qonaev qalasyndaǵy sot ǵımaratynyń janynda zańsyz mıtıńi ótti. Bólimshege jetkizilgen ýaqytta R.Sársenbaı qan qysymynyń kóterilgenin aıtty. Osy kezde jedel medısınalyq brıgada shaqyryldy. Qazirgi ýaqytta R.Sársenbaı medısınalyq mekemege tekserýge jiberildi. Polısıa qyzmetkerleriniń zańsyz áreketteri nemese kúsh qoldaný faktileri bolǵan joq”, - dedi PD senbi kúngi baspasóz habarlamasynda.
Buǵan deıin habarlanǵandaı, saıası tapsyryspen óltirilgen opozısıa jetekshisi Altynbek Sársenbaevtyń aǵasy, saıası jáne qoǵam qaıratkeri Rysbek Sársenbaı saıası taqyrypta baspasóz máslıhatyn ótkizbes buryn Talǵar aýdandyq polısıasyna “áńgimelesýge” shaqyrylǵan. Keıin onyń qamaýǵa alynǵany týraly aqparat rastaldy. Al sodan soń saıasatkerdiń aýrýhanaǵa jetkizilgeni, tipti onyń jansaqtaý bólimine jatqyzylǵany belgili boldy.
