Spıkerler Departament basshysynyń orynbasary, Ádep jónindegi ýákil Ǵ.Asanuly jáne polısıa departamenti bastyǵynyń orynbasary, polısıa polkovnıgi Á.Seıdýalıev boldy.
Baspasóz jıynynda Ǵ.Asanuly osy jyldyń sáýir aıynda «Túrkistan adaldyq alańy» Jobalyq keńsesimen polısıa organdarynyń jumysyn jetildirý baǵytynda birqatar jumystar júrgizildi.
Atap aıtqanda, jol belgilerine qatysty kelip túsken 15 usynys týraly, kólik júrgizýshiler kýálikterin qaıta aýystyrý kezindegi oryn alǵan faktilerge qatysty jáne kýálik merzimderi ótýine baılanysty aıyppul tóleýdiń alyn-alý úshin júrgizýshilerge SMS habarlama jiberý boıynsha engizilgen usynymdar týraly aıtty.
Al, Á.Seıdýalıev polısıa departamenti tarapynan atqarylǵan jumystar týraly tolǵyraq baıandap ótti.
Ábdýǵanı Toıshyuly óz sózinde polısıa qyzmetinde turmystyq jemqorlyqty tómendetý baǵytynda memlekettik qyzmetterdiń elektrondy úlesin arttyrý boıynsha, sondaı-aq, 1 shildeden bastap tirkeý-emtıhan bólimsheleri taratylyp, olardyń fýnksıalary «Azamattarǵa arnalǵan úkimet" memlekettik korporasıasyna berý týraly sheshim qabyldanǵanyn, polısıa departamenti janynan «Front-ofıs» ashylǵanyn, dál osyndaı front-ofıster shilde aıyna deıin barlyq qalalyq, aýdandyq polısıa bólimderinde ashylatyny týraly atap ótti.
Baspasóz jıynynyń sońynda spıkerlerge jýrnalıser tarapynan birqatar suraqtar qoıylyp, olar boıynsha naqty jaýaptar berildi.
