Politseidi synaǵan qostanailyq jarty millionnan astam aiyppul arqalady. Mundai sheshimdi Qarabalyq aýdandyq soty shyǵardy, dep habarlaidy Dalanews.kz.
Qarabalyq aýdandyq sotynda "BAQ arqyly jala jabý" baby boiynsha ákimshilik quqyq buzýshylyq týraly is qaraldy. Aqpan aiynda qostanailyq turǵyn ýchaskelik inspektordyń áreketin synaǵan videony jariialaǵan. Avtordyń aitýynsha, politsei hattamany qate toltyryp, jol-kólik oqiǵasynyń sapasyz syzbasyn jasaǵan. Bul oqiǵa qatysýshylardyń birine negizsiz aiyp taǵylýyna sebep bolǵan.
"Sot S.-nyń ishki ister bólimi men sot sheshimimen B.-nyń jol-kólik oqiǵasyn jasaǵany úshin kináli dep tanylǵanyn bile tura, óziniń beinejazbasynda ýchaskelik politsiia inspektorynyń ar-namysy men abyroiyna jáne quqyǵyna nuqsan keltiretin jalǵan aqparat taratqany anyqtaldy. Áleýmettik jeliler arqyly bedelin túsirdi" delingen Qostanai sotynyń baspasóz habarlamasynda.
Nátijesinde video avtoryna 180 AEK – 664 560 teńge kóleminde ákimshilik aiyppul salyndy.
