"Bul otbasy – meniń ýchaskemdegi kópbalaly otbasylardyń biri. Analary ketip qalǵandyqtan, bala tárbıesimen 2-toptaǵy múgedektigi bar ákesi aınalysady. Osy otbasynyń balalary ózgege degen kishipeıildiligimen, tárbıesimen jáne bilimge degen qushtarlyǵymen erekshelenedi.
Otbasyna barǵan kezde oqýshy balalar ákeleriniń telefonymen kezektesip sabaq oqyp otyrǵanyn kórdim. Sondyqtan, jańa oqý jylyna oraı otbasyndaǵy 3 synypqa barǵan B. esimdi oqýshyǵa óz atymnan smartfon syılaǵandy jón dep sheshtim.
Jańa telefon balanyń kóńil-kúıin kóterip, jańa oqý jylyndaǵy sabaq úlgerimin jaqsartady dep senem", - dedi polısıa aǵa leıtenanty Serikjan Raımbekov.
Kútpegen syılyqqa rızashylyǵyn bildirgen kópbalaly áke qıyn shaqta kómek qolyn sozǵan aýdandyq polısıa basshylyǵyna sheksiz alǵysyn bildirip, qyzmetterine tabys, otbasylaryna amandyq tiledi.
Sarqan aýdany Polısıa bólimi basshylyǵynyń aıtýynsha, 10 jyldan artyq ishki ister organdarynda qyzmet etken Serikjan Raımbekov jaqsy kórsetkishteri úshin bıyl naýryz aıynda osy ýchaskege ýchaskelik polısıa ınspektory bolyp taǵaıyndalǵan.
"Aǵa leıtenant S.Raımbekov – kúzet qyzmetinde, patrúldik polısıada qyzmet etken, birneshe jyl ýchaskelik polısıa ınspektory bolǵan tájirıbeli ofıser, mindetine adal, qasyndaǵylarǵa qurmetpen qaraıtyn áriptes, ul men qyz tárbıelep otyrǵan áke. Óz ýchaskesinde turǵyndarmen til tabysyp, jedel jaǵdaıdy baqylaýynda ustaıtyn, jumysta jaqsy kórsetkishtermen kózge túsetin kásibı maman", - dep atap ótti Sarqan APB bastyǵynyń orynbasary polısıa kapıtany Erjan Seıdenov.
