Politsei jol apatyn jasap, bir jasar bala mert boldy
Baǵdarshamnyń qyzyl túsine ótip «VAZ» kóligin búiirden soqqan «Mersedestiń» rólinde 37 jastaǵy tártip saqshysy otyrǵan.
Politsiia departamenti onyń laýazymy men shenin aitýdan bas tartyp otyr. «VAZ» kóligindegi 29 jáne 27 jastaǵy erli zaiyptylar qazir aýrýhanada. Áieldiń jaǵdaiy óte nashar.
Jambasy men qabyrǵalary synyp, miyna zaqym kelipti. Onyń bir jastaǵy uly apat ornynda tilge kelmei mert bolǵan. Politsiia basshylyǵy óz qyzmetkerin qamaýǵa alyp, tergeý jan-jaqty ári ádil júrgiziletinin aitýda.
– Qaraǵandy oblysy politsiia departamenti qaza bolǵan náresteniń jaqyndary men týysqandarynyń qaiǵysyna ortaqtasyp kóńil aitady. QR QK 345-baby 3-tarmaǵyna sáikes qylmystyq is qozǵaldy. 37 jastaǵy «Mersedes» avtokóliginiń júrgizýshisi qamaýǵa alyndy, – dedi Qaraǵandy oblysy PD baspasóz hatshysy Baqytjan Qudiiarov.
