– Jarnama jáne marketing zańy boiynsha brend tanymal bolǵan sátte pirattyq taýarlar paida bolady. Pirattyq taýar degen ne? Bul – litsenziialanbaǵan taýar. Oǵan eshkim ruqsat bermegen. Búgin biz osyndai jaǵdaiǵa tap bolyp otyrmyz. Elimizdiń keibir qalalarynda EKSPO logotipimen keńse zattarynan bastap azyq túlik ónimderi paida bolǵan. Mysaly, bir kompaniia EKSPO logotipimen tushpara shyǵarǵan. Sondai-aq, biz sapasyz jasalǵan qalam, dápter, fýtbolka jáne kepka taýarlaryn kórdik. Olai isteýge bolmaidy. Men kásipkerlerdi saq bolýǵa shaqyramyn. Olar osy áreketteri úshin zań aldynda jaýap beredi, – deidi ol.
Sonymen qatar, Ilia Orazaqov EKSPO logotipimen tushpara shyǵarǵan kompaniiaǵa eskertý jasalǵanyn aitty.
– Biz ol kompaniiaǵa arnaiy hat jiberdik. Olarǵa osyndai áreketke barmas buryn bizben habarlasý qajettigin túsindirdik. Iaǵni, belgili bir kompaniia bizben jumys isteý úshin sapa jáne qaýipsizdik standarttarynan ótedi. Keiin oǵan arnaiy litsenziia beriledi. «EKSPO-2017» halyqaralyq kórmesiniń bedelin oilasaq, mundai tushparalar eshqashan shyǵarylmaidy, – dep túiindedi direktordyń orynbasary sóz sońyn.
Dáýren ERBOLAT
