Astanada qoǵam belsendisi Perızat Qaırat pen onyń anasy Ǵaını Alashbaevaǵa qatysty qylmystyq is boıynsha sot otyrysy jalǵasyp jatyr, dep habarlaıdy Dalanews.kz.

Búgingi sot otyrysynda jábirlenýshilerdiń biri mundaı oqıǵalar qoǵamdaǵy senimge úlken soqqy bolatynyn aıtty.

"Bul jazany nege ádil jáne obektıvti dep sanaımyn – óıtkeni mundaı jaǵdaılar qoǵamdyq pikirge áser etip, kóńilge qaıaý túsiredi. Árbir osyndaı presedent qoǵam jetistikteriniń kóbin joqqa shyǵarady. Memleket pen qoǵamdyq uıymdar qoǵamnyń senimi men moıyndaýyna ıe bolý úshin úlken kúsh salady. Al ony ıelený óte qıyn", – dedi jábirlenýshi Anton Kım.

Onyń aıtýynsha, halyqtyń arasynda senimsizdik onsyz da joǵary: jurt úlken ýádelerge de, jańa baǵdarlamalarǵa da senbeı qalǵan.

"Endi kez kelgen adam qaıyrymdylyqqa úles qosar aldynda myń ret oılanatyn bolady", – dep túıindedi Kım.