Perizat Qairat pen anasyna úkim búgin shyǵarylady, dep habarlaidy Dalanews.kz.
Sýdia Sabyrjan Karimov úkimdi saǵat 15:00-de jariialaidy.
Buǵan deiin prokýratýra Perizat Qairatqa 10 jyl bas bostandyǵynan aiyrýdy, múlkin tárkileýdi jáne 10 jylǵa qaiyrymdylyqpen ainalysý quqyǵynan aiyrýdy suraǵan bolatyn. Al anasyna – 8 jyl túrme jazasy suraldy.
Prokýror Arman Kizikenniń aitýynsha, aiyptalýshylardyń jazasyn jeńildetetin eshbir jaǵdai anyqtalmaǵan, kerisinshe, jazany aýyrlatatyn jaǵdai – qylmystyń tótenshe jaǵdai rejimi kezinde jasalýy.
Aiyptaý tarapynyń nusqasy boiynsha, olar qaiyrymdylyq túrinde jinalǵan shamamen 3,5 mlrd teńgeni iemdenip, keiin bul qarajatty zańdastyryp jibergen.
Alaida aiyptalýshylar óz kinásin moiyndamai otyr. Perizat Qairat bul isti «tergeýshilerdiń qiialy» dep atady.
