QR UQK Shekara qyzmeti Arnaýly maqsattaǵy basqarmanyń suraýymen «Kásibi janýdyń aldyn alý» taqyrybynda seminar ótti. Is-sharany «Senimen bolashaq» respýblikalyq ata-analar qoǵamdyq birlestiginiń jýrnalisi jáne Almaty filialynyń jetekshisi Merýert Máýletqyzy men filial sarapshysy, praktik-psiholog, «Tájiribeli psihologiia» RQB Almaty filialynyń jetekshisi Aigúl Islambekqyzy ótkizdi. Qatysýshylarǵa aldymen birlestik ustanymy, atqarǵan jumystary men jobalary jaily túsinik berildi. Aǵarýshylyq baǵyty boiynsha birlestik yqpalymen shyqqan kitaptar tanystyrylyp ótti.
Jalpy áskeri saladaǵy qyzmetkerlerge qoiylar talap joǵary bolǵandyqtan olar kásibi quzirettiligin arttyrý úshin fizikalyq, psihologiialyq júktemelerdi jasaýǵa májbúr bolady. Ol emotsionaldy resýrstardyń sarqylýyna ákeledi. Kásibi janyp ketýdiń saldary otbasyndaǵy problemalarǵa soqtyqtyrady. Týystarymen, balalarymen qarym-qatynastyń buzylýy da osydan bastalýy múmkin. Mine osy máseleniń aldyn alý úshin psiholog Aigúl Islambekqyzy ujym arasyndaǵy qarym- qatynasty nyǵaitý, jaǵymsyz kóńil-kúiden arylý, kúsh-qýat jinaý, ózin erkin sezinýge kómektesýge baǵyttalǵan jattyǵýlar men oiyndar oinatty. Seminar barysynda qyzmetkerlerdiń kásibi komponenttiligin arttyrý jáne qyzmettik mindetterin tiimdi oryndaýǵa jaǵdai týdyrý úshin kásibi janýdyń aldyn alýy men ony jeńýi baǵytyndaǵy teoriialyq bilimderi men praktikalyq daǵdylary jańartyldy. Seminar qorytyndysynda basqarma tarapynan alǵys aitylyp, mundai treningtiń óte qajet ekendigi jetkizildi. Seminarǵa qatysýshylardyń suraqtaryna jaýap berilip, pikirleri tyńdaldy.
