Pavlodarda "Ertis ormany" rezervatynyń eks-dırektory men úsh qyzmetkeri sot úkimimen qatań jazaǵa tartyldy. Olar orman aǵashyn zańsyz kesip, otyn retinde satqan. Bul áreketteri úshin uıymdasqan qylmystyq top qurý, para alý jáne memleket múlkin urlaý baptary boıynsha aıyptaldy, dep habarlaıdy Dalanews.kz.
Tergeý málimetinshe, 2022-2023 jyldar aralyǵynda aıyptalýshylar orman aǵashtaryn ruqsatsyz kesip, ony satý arqyly paıda tapqan. Olar bul áreketti "otyn jáne óndiristik maqsatta qoldanamyz" degen jeleýmen jasyryp otyrǵan.
Nátıjesinde memleketke keltirilgen shyǵyn kólemi 153 mıllıon teńgeden asqan.
Sottyń sheshimimen qoryqtyń burynǵy dırektory 12 jylǵa bas bostandyǵynan aıyryldy. Qalǵan úsh qyzmetker de túrli merzimge sottaldy.
