Pavlodar oblysynda meditsinalyq maskalarǵa degen suranys naýryz aiynyń sońynda óse bastady. Ókinishke orai, sol kezeńde jeke qorǵaný quraldarynyń óndirisi tómendegen edi. Búgingi tańda aimaqtaǵy jaǵdai bir qalypqa kelip úlgerdi.
– Biz josparlanǵandai táýligine 50 myń maska shyǵarý kórsetkishine jettik, sońǵy úsh-tórt kún boiy atalǵan deńgeidi ustap turmyz jáne bolashaqta jibermeýge tyrysamyz, – dep habarlady oblys ákiminiń orynbasary. – Olardyń 20 myńy – bir rettik maskalar, 30 myńyn birneshe ret paidalanýǵa bolady.
Pavlodar qalasynda birneshe rettik meditsinalyq maskalardy shyǵarýmen «Merýsar i K» JShS-i ainalsady, olarǵa bizdiń tigin tsehteri men ateleleri, sonymen qatar «Neftehim LTD» JShS siiaqty iri kásiporyndar kómektesedi. Bul maskalar dárihanalarǵa jetkizilip 60 teńgeden satylady, oǵan qosa saýda ortalyqtaryna da jóneltiledi. Birneshe rettik meditsinalyq maskalar Pavlodar oblysynyń ár qalasy men aýdanynda tigiledi. Aita ketý kerek, biz «Gloriia Farm» kompaniiasymen 50 myń dana birneshe rettik maskalardyń jetkizilimi boiynsha kelisim jasastyq. Olardyń satylymy dárihanalar jelisinde 170 teńgeden josparlanǵan.
Sonymen qatar, Saken Shaiahmetov tótenshe jaǵdailar rejimi kezindegi shaǵyn jáne orta biznesti qoldaýǵa arnalǵan sharalar týraly aityp berdi. Tikelei zańgerlik tetikterdiń joqtyǵyna qaramastan, aimaqta shaǵyn jáne orta biznes ókilderi úshin iri jekeshe jalǵa berýshilermen saýda úilerindegi oryndary boiynsha jalgerlik tólemder mólsherlemesin azaitýǵa nemese tolyqtai tólem almaýǵa kelisim jasaldy. Mysaly, oblys ortalyǵynda bul «Arman», «Versal», «Barys», «Gýlliver», «Otaý» jáne «Senim», al Ekibastuz qalasynda «Bolashaq», «Bolashaq Pliýs» jáne «City Mall» saýda úileri.
– Iri saýda oryndary sanatyna jatpaityn jalǵa berýshilermen jaǵdai qiyndaý, sebebi jalgerlik tólemder olardyń jalǵyz tabys kózi bolyp esepteledi,- dedi oblys basshysynyń orynbasary. – Bul másele boiynsha bir júielik sheshimge kelemiz dep úmittenemiz, ázirshe olardyń árqaisysymen jekelei kelissózder júrgizip, árbir jaǵdaidy jeke qarastyrýdamyz.
Búginge deiin shaǵyn jáne orta biznes ókilderinen bankrot jariialaý boiynsha shaǵymdar túsken joq. Sonyn ózinde aimaqta ShOB ókilderiniń 1 myńǵa jýyq jumyskerleri aqysyz demalysta otyr. Bul TJ rejimin eńgizýlý barysynda jumysyn toqtaqan kásiporyndar – oiyn-saýyq ortalyqtary, fitnes – jattyǵý zaldary jáne t.b. Olar Qazaqstandaǵy tótenshe jaǵdai kezinde beriletin 42,5 myń teńge kóleminde áleýmettik kómek alýǵa quqyly.
