Reseilik kásipker, Telegram jáne VK áleýmettik jelileriniń negizin qalaýshy Pavel Dýrov birqatar blogermen Qyrǵyzstannyń Ystyqkól aimaǵyna sapar jasap, aýqymdy jobaǵa investitsiia salý týraly qyzyǵýshylyǵy artty, dep habarlaidy Dalanews.kz.
Qazirgi ýaqytta úkimet "Úsh shyń" taý shańǵysy kýrortyna investitsiia tartýdy kózdep otyr. Sondyqtan jergilikti bilik kásipkerdiń bul iske bas suǵýy jobanyń áleýetin aitarlyqtai arttyrady degen pikirdi alǵa tartady. Dýrovtyń investor retinde tóbe kórsetýi qosymsha kapital tartyp, jarnamalyq qoldaý kórsete alatyn strategiialyq qadam retinde qarastyrylady.
Aita keteiik, Dýrov reseilik bloger Gýsein Gasanovpen birge saparda júr. Derekkózder ony jergilikti bilikpen kelissózder barysynda deldal rólin atqara alady dep boljaidy.
Dýrov pen Gasanovtyń Qyrǵyzstanǵa taban tireýi jergilikti turǵyndardyń nazarynan tys qalǵan joq. Olar jaqynda Cholpon-Atadaǵy Petroglifter saiabaǵynda kózge túsip, halyqtyń úlken tolqýyn týdyrdy. Kópshilik bul mártebeli sapar naqty investitsiialyq josparlarǵa jol ashyp, jergilikti ekonomikany aitarlyqtai kóteredi dep úmittenedi.
