Ulttyq olımpıada komıtetiniń prezıdenti Gennadıı Golovkın Parıjdegi olımpıada oıyndaryna ulyn aparyp, synǵa qaldy, - dep habarlaıdy Dalanews.kz.

Bul týraly saıasatker Talǵat Qalıev jazdy. 

"Akredıtasıalyq beıdjıkpen otyrǵan bala - UOK prezıdenti Gennadıı Golovkınniń balasy deıdi. Golovkın qazaqstandyq sportqa amerıkalyq standart pen dástúrdi ákeledi dep sendik. Al ol eski ádetterdi odan ary kúsheıtip jibergen sıaqty. Shyn laıyq adamdar akredıtasıa alýdyń ornyna, ol oryndar Golovkınniń aǵasy men ulyna berilipti. Ókinishti...", - deıdi Talǵat Qalıev. 

Jeli qoldanýshylary bul jaıtqa qatysty túrli pikir jazǵan. 

"Eger rasynda solaı bolsa, ókinishti eken. Bir jamany - onyń jankúıerleri baryn salyp aqtap alady ǵoı"

"Túk ózgermegen"

Eske salaıyq,Golovkın resmı túrde Qulybaevtyń ornyna bıyl 26 aqpanda keldi. Buǵan deıin UOK prezıdenttigine Tımýr Qulybaevtyń ornyna Gennadıı Golovkınniń kandıdatýrasy usynylǵan bolatyn. Tıisti qujat Tengri Sport redaksıasyna túsken.

Qujattan 14 aqpanda QR Ulttyq Olımpıada komıtetiniń Táýelsiz saılaý komısıasynyń otyrysy ótkeni belgili boldy. Shara barysynda, atap aıtqanda, prezıdenttikke kandıdattardy usyný nysandary qaraldy.

Al qysqy sport túrleri jónindegi vıse-mınıstr qyzmetine Asqar Mamınniń kandıdatýrasy da usynyldy.