QR Týrizm jáne sport ministrligi Parijdegi jazǵy Olimpiada oiyndarynda 27 shildede óner kórsetetin otandyq sportshylardyń tizimin jariialady, dep habarlaidy Dalanews.kz.
Vedomstvo málimetinshe, 27 shildede otandyq atletter sporttyń 8 túrinde óner kórsetedi.
Sonymen dziýdodan alǵashqy beldesýler Astana ýaqytymen saǵat 13:00-de, al final 19-00-de bastalady.
- 48 keli salmaqta Ábiba Abýjaqynova birinshi raýndta Izrail sportshysy Sara Rishonimen kúsh synasady.
- Sondai-aq birinshi raýndta 60 keli salmaqta Eldos Smetov niderlandtyq Tornike Chkadýany jeńýge tyrysady.
Nysana kózdeýden erler arasyndaǵy kvalifikatsiia Shatorýda elorda ýaqymen 13:30-da, áielder arasyndaǵy jarys 15:30-da bastalady. Astana ýaqytymen irikteý 12:00-de, al finaldar 13:30-da bastalady.
- Pnevmatikalyq vintovkamen 10 metrden aralas juptyq syn – Qazaqstan-1 komandasy (Islam Satpaev, Aleksandra Le), Qazaqstan-2 komandasy (Arina Altýhova, Konstantin Malinovskii). Munda irikteý nátijesinde 1-2 oryn alǵan quramalar finalǵa shyǵyp, chempiondy anyqtaidy, 3-4 oryn qola medaldi sarapqa salady.
- Pnevmatikalyq tapanshamen 10 metrden nysana kózdeýdiń irikteýi – Nikita Chiriýkin men Irina Iýnýsmetova.
Akademiialyq eskek esýden irikteýde Vladislav Iakovlev baq synaidy. Ulttyq qurama sportshysy alǵashqy altylyqta jarysady. Ár altylyqta jaqsy nátije kórsetken 3 sportshy tikelei shirek finalǵa shyǵady. Qalǵandary ertesine (28 shildede) taǵy baǵyn synap kóredi.
Sporttyq gimnastikadan irikteý kezeńdi saǵat 18:30-da "Habar" arnasynan kóre alasyzdar:
- kópsaiys – Milad Karimi;
- at snariady – Nariman Kýrbanov.
Velosporttan jekelei syndaǵy jarystyń finalynda Evgenii Fedorov tóbe kórsetetin bolady.
Tennis:
- Aleksandr Býblik – Teilor Frits (AQSh) 15:00,
- Iýliia Pýtintseva – Marta Kostiýk (Ýkraina) 15:00.
Ústel tennisi:
- Kirill Gerasimenko – Nikolas Býrgos (Chili) 23:00
Bokstan 63,5 keli salmaqta Muhammedsabyr Bazarbaiuly ispaniialyq bylǵary qolǵap sheberi Oier Ibarechcheni jeńýge tyrysady. Ony Qazaqstan ýaqyty boiynsha 27-sinen 28-ine qaraǵan túni saǵat 00:52-de "Habar" arnasynyń efirinen kórýge bolady.
