قر تۋريزم جەنە سپورت مينيسترلٸگٸ پاريجدەگٸ جازعى وليمپيادا ويىندارىندا 27 شٸلدەدە ٶنەر كٶرسەتەتٸن وتاندىق سپورتشىلاردىڭ تٸزٸمٸن جارييالادى, دەپ حابارلايدى Dalanews.kz.
ۆەدومستۆو مەلٸمەتٸنشە, 27 شٸلدەدە وتاندىق اتلەتتەر سپورتتىڭ 8 تٷرٸندە ٶنەر كٶرسەتەدٸ.
سونىمەن دزيۋدودان العاشقى بەلدەسۋلەر استانا ۋاقىتىمەن ساعات 13:00-دە, ال فينال 19-00-دە باستالادى.
- 48 كەلٸ سالماقتا ەبيبا ابۋجاقىنوۆا بٸرٸنشٸ راۋندتا يزرايل سپورتشىسى سارا ريشونيمەن كٷش سىناسادى.
- سونداي-اق بٸرٸنشٸ راۋندتا 60 كەلٸ سالماقتا ەلدوس سمەتوۆ نيدەرلاندتىق تورنيكە چكادۋانى جەڭۋگە تىرىسادى.
نىسانا كٶزدەۋدەن ەرلەر اراسىنداعى كۆاليفيكاتسييا شاتورۋدا ەلوردا ۋاقىمەن 13:30-دا, ەيەلدەر اراسىنداعى جارىس 15:30-دا باستالادى. استانا ۋاقىتىمەن ٸرٸكتەۋ 12:00-دە, ال فينالدار 13:30-دا باستالادى.
- پنەۆماتيكالىق ۆينتوۆكامەن 10 مەتردەن ارالاس جۇپتىق سىن – قازاقستان-1 كومانداسى (يسلام ساتپاەۆ, الەكساندرا لە), قازاقستان-2 كومانداسى (ارينا التۋحوۆا, كونستانتين مالينوۆسكيي). مۇندا ٸرٸكتەۋ نەتيجەسٸندە 1-2 ورىن العان قۇرامالار فينالعا شىعىپ, چەمپيوندى انىقتايدى, 3-4 ورىن قولا مەدالدٸ ساراپقا سالادى.
- پنەۆماتيكالىق تاپانشامەن 10 مەتردەن نىسانا كٶزدەۋدٸڭ ٸرٸكتەۋٸ – نيكيتا چيريۋكين مەن يرينا يۋنۋسمەتوۆا.
اكادەمييالىق ەسكەك ەسۋدەن ٸرٸكتەۋدە ۆلاديسلاۆ ياكوۆلەۆ باق سىنايدى. ۇلتتىق قۇراما سپورتشىسى العاشقى التىلىقتا جارىسادى. ەر التىلىقتا جاقسى نەتيجە كٶرسەتكەن 3 سپورتشى تٸكەلەي شيرەك فينالعا شىعادى. قالعاندارى ەرتەسٸنە (28 شٸلدەدە) تاعى باعىن سىناپ كٶرەدٸ.
سپورتتىق گيمناستيكادان ٸرٸكتەۋ كەزەڭدٸ ساعات 18:30-دا "حابار" ارناسىنان كٶرە الاسىزدار:
- كٶپسايىس – ميلاد كاريمي;
- ات سناريادى – ناريمان كۋربانوۆ.
ۆەلوسپورتتان جەكەلەي سىنداعى جارىستىڭ فينالىندا ەۆگەنيي فەدوروۆ تٶبە كٶرسەتەتٸن بولادى.
تەننيس:
- الەكساندر بۋبليك – تەيلور فريتس (اقش) 15:00,
- يۋلييا پۋتينتسەۆا – مارتا كوستيۋك (ۋكراينا) 15:00.
ٷستەل تەننيسٸ:
- كيريلل گەراسيمەنكو – نيكولاس بۋرگوس (چيلي) 23:00
بوكستان 63,5 كەلٸ سالماقتا مۇحاممەدسابىر بازاربايۇلى يسپانييالىق بىلعارى قولعاپ شەبەرٸ ويەر يبارەچچەنٸ جەڭۋگە تىرىسادى. ونى قازاقستان ۋاقىتى بويىنشا 27-سٸنەن 28-ٸنە قاراعان تٷنٸ ساعات 00:52-دە "حابار" ارناسىنىڭ ەفيرٸنەن كٶرۋگە بولادى.
