Parıjdegi Olımpıadada júldegerlerine eń joǵary syıaqy taǵaıyndaǵan elder tizimi belgili boldy, dep habarlaıdy Dalanews.kz Zakon.kz-ke siltep.

CNBC aqparatynsha, jazǵy Olımpıadadaǵy jetistikteri úshin sportshylarǵa eń úlken syıaqyny Gonkong usyndy: bılik altyn medal úshin 768 myń dollar tóledi. Aıta keteıik, Gonkong qorjynynda eki "altyn" jáne "eki qola" bar.

Ekinshi orynda altyn úshin 745 myń dollar usynǵan Sıngapýr bıligi tur. Tek, ókinishke oraı sıngapýrlyqtar Olımpıdadan nebári eki "qolamen" oraldy. Olarǵa bılik 186 myń dollar tóledi.

Úzdik úshtikte syıaqy mólsherin Tokıodaǵy Olımpıadamen salystyrǵanda eki ese azaıtqanyna qaramastan Indonezıa alyp tur. Atap aıtqanda, 746 myń dollardan 300 myń dollarǵa deıin.

Al, Qazaqstanǵa keletin bolsaq, Olımpıada oıyndarynda ózderin úzdikter qatarynan kórsete almasa da, syıaqy tóleýden 5-shi oryndy ıelendi. Bizdiń el "altyn" úshin 250 myń dollar tólese, "kúmis" medalǵa 150 myń dollar, "qolaǵa" 75 myń dollar usyndy.

Máselen, Panfılov aýdanynyń baspasóz hatshysy, bloger Nurbol Hanaǵattyń jazýynsha, Olımpıada oıyndarynyń kúmis júldegeri Demeý Jadyraevqa Panfılov aýdany Toyota Land 300 jáne 50 000 dollar, Talǵar qalasynan 2 bólmeli páter, eki bapkeri Jumahan Turǵanbekov pen Qońyratov Boranbekke Haval mashınasy, anasyna oblys ákimi Jarkent qalasynan 4 bólmeli úı syılady. Odan bólek jerlesteri de yqylas qoldaýlaryn kórsetýde.