Paranyń ornyna kóń alǵan ákim jazaǵa tartyldy
Aqsaý aýyldyq okýrginiń ákimi Dosqaliev kásipkerdiń úi salý úshin jer telimine qol qoiǵany úshin 350 qap kóń alyp, ustalǵan. Óz qyzmetin asyra paidalanǵan aýyl ákimine sot oryndary 6,2 mln. teńge aiyppul salyp, ómir boiy memlekettik qyzmette istemeý týrasynda jaza kesti.
«Ákim jer surap kelgen kásipkerdiń kóń satý isimen ainalasatyn bilip, jer telimin alý týraly ruqsat qaǵazǵa qol qoiý úshin 300 qap kóń talap etken. Keiinnen qosymsha qujattardy retteý máselesi týyndaǵanda ákim bul «qyzmetine» 50 qap kóń suraǵan. Osylaisha ákim aqshaǵa shaqqanda 206 750 teńgeniń kóńin para retinde alǵan», – deidi sottyń baspasóz qyzmeti.
https://dalanews.kz/28712
