Sybailas jemqorlyq úshin sottalǵan burynǵy ákim Nurlan Sydyqov Abai oblysynda "Qurmetti azamat" atandy, dep habarlaidy Dalanews.kz.
Besqaraǵai aýdandyq máslihaty jariialaǵan qujat boiynsha, Sydyqov aýdannyń qurmetti azamattary tizimine engizilgen.
Qujattaǵy qysqasha sipattamada onyń aýdan basshysy bolǵan kezeńinde birqatar áleýmettik nysandar salynǵany aitylady. Atap aitqanda, Mostik pen Bashkúl aýyldarynda mektepter boi kótergen, balabaqsha qurylysy bastalǵan, aýdan ortalyǵynda dene shynyqtyrý-saýyqtyrý kesheni salynǵan. Sondai-aq aýrýhana men kolledjge jóndeý júrgizilip, ortalyq alańǵa sýburqaq ornatylǵan, turǵyn úiler jańǵyrtylǵan, baǵdarshamdar qoiylǵan, Ardagerler úii ashylǵan jáne Abai Qunanbaevtyń biýsti ornatylǵan.
Eske salaiyq, 2018 jyly UQK Sydyqovtyń kásipkerden jer telimin qaita rásimdeýge kómektesý úshin 800 myń teńge kóleminde para aldy degen kúdikpen ustalǵanyn habarlaǵan edi.
2019 jyldyń naýryzynda sot ony para alǵany úshin kináli dep tanyp, 29,5 mln teńge aiyppul tóleýge mindettelip, ári memlekettik qyzmette jumys isteýge tyiym saldy.
