Pandemiia kezinde aqparat taratýdyń algoritmi qalyptasty
Pandemiia kezinde aqparat quraldarynyń jarnama berýshiler qatary aitarlyqtai azaiyp ketkeni jasyryn emes. Bul óz kezeginde aqparat quraldarynyń qarjylyq-materialdyq jaǵdaiynyń birshama tómendeýine yqpal etti. Osy rette barlyq úmit memleketke aýdy. Indet ásirese táýelsiz aqparat quraldaryna aýyr soqqy bolyp tidi deýge bolady.
Bizge qalai bolǵanda da, elimizdiń aqparattyq saiasatyn qalyptastyryp otyrǵan BAQ-ty saqtap qalýdyń mańyzy zor. Dál osy kezeńde QR Aqparat jáne qoǵamdyq damý ministrligi de qarap qalǵan joq. Otandyq aqparat quraldaryna barynsha qoldaý kórsetti. Bul jaiynda QR Aqparat jáne qoǵamdyq damý ministri Aida Balaeva hanym otandyq media salany damytýǵa qatysty jiynda aitqan bolatyn.
– Úkimet pandemiia kezinde otandyq buqaralyq aqparat quraldaryna barynsha qoldaý kórsetti. Aitalyq, elimizdegi aqparat quraldary salyqtyq jeńildikterge, túrli memlekettik tapsyrystarǵa ie bolyp, jumysyn jalǵastyrdy. Elimizdegi jetekshi telearnalarǵa efirlik jiilikti berýde kommertsiialyq jeńildikterdi usyndyq, – dep Aida Balaeva ministrliktiń otandyq BAQ-ty qoldaýdaǵy jumystaryn qysqasha baiandap bergen bolatyn.
Jalpy, kez kelgen aqparat quraly QR Aqparat jáne qoǵamdyq damý ministrligi tarapynan kómek, qoldaýlarǵa ie bolyp keledi.
Pandemiia kezinde ministrlik jalǵan aqparatpen kúresý baǵytynda arnaiy sait jasaqtap, mediaqurylymdardyń shynaiy aqparat taratýyna jol ashty. Osynyń arqasynda el ishinde dúrbeleń týǵyzatyn talai dúnielerge tosqaýyl qoiyldy.
Karantin kezinde jýrnalister qaýymynyń júrip-turýy da ministrliktiń nazarynda bolǵanyn aita ketýimiz kerek. Aitalyq, tótenshe jaǵdai qabyldanyp, karantin óziniń shyrqaý shegine jetkende, Aqparat ministrliginiń jergilikti bilik oryndarymen jedel bailanys ornatyp, jýrnalister qaýymynyń jedel, shynaiy aqparat taratýyna múmkindik jasady. Osy rette ministrliktiń ábjil qimylynyń arqasynda jergilikti ákimdikter uiymdastyrǵan arnaiy portalǵa tirkelip, saqtyq sharalaryn saqtai otyryp jumys istedik.
Osyndai birikken jumystardyń arqasynda pandemiia kezindegi jurttyń kóńiline alań kirgizbeýde kóptegen jumystar atqarylǵanyn aitýǵa tiispiz. Aldaǵy ýaqytta osy baǵyttaǵy jumystardy damytyp, halyqqa shynaiy aqparatty jetkizý baǵytyndaǵy jumystardy jetildirýdiń mańyzy zor.
QR Aqparat ministrligi Densaýlyq saqtaý ministrligimen tize qosyp, koronavirýstan qalai saqtanýdyń jolyn túsindiretin infektsionist mamandardyń jedel túrde pýln qalyptastyryp, olardyń bailanys telefondaryn redaktsiialarǵa taratqannyń arqasynda áleýmettik jelide taralǵan jalǵan aqparattarǵa laiyqty toitarys berilgeni belgili. Pandemiia kezinde ministrlik pen elimizdegi aqparat quraldary qoǵamda shynaiy aqparat taratýdyń tamasha algoritmin qalyptastyrdy dep nyq senimmen aita alamyn. Aldaǵy ýaqytta osy is-tájiribeni damytyp, aqparattyq tasqynǵa tosqaýyl qoiýdyń jańa júiesin qalyptastyrǵan lázim. Pandemiia memleket pen qoǵamdy jaqyndatyp, tutastyryp jiberdi desek bolady.
Nurlan JUMAQANOV
