Ozon Qazaqstan júrgizgen zertteýge sáikes, qazaqstandyqtardyń kúndelikti jáne mereke qarsańyndaǵy saýdalar úshin onlain-shopingti jii tańdaityny anyqtaldy. Saýalnama derekteri boiynsha qatysýshylardyń 50%-dan astamy syilyqtardy internet arqyly satyp alýdy jón kóredi. Muny oflain-dúkenderdegi dástúrli saýdaǵa qaraǵanda onlain-shopingtiń yńǵaily ári tiimdi ekendigimen bailanystyrýǵa bolady, dep habarlaidy Dalanews.kz.
Shoping ádet retinde: qazaqstandyqtar onlain-saýdany sebepsiz jasaidy, alaida aqshany aqylmen jumsaidy
Onlain-shoping qazaqstandyqtar ómiriniń ajyramas bóligine ainalýda: zertteý kórsetkendei, qazaqstandyqtardyń úshten bir bóligi (31,3%) onlain-shopingti kúndelikti ómirdiń bir bóligi retinde qabyldaidy jáne marketpleisterden esh sebepsiz saýda jasaidy. Marketpleisterdi tańdaýdyń negizgi sebepteri retinde keń assortiment (49%), tartymdy baǵalar (40%) jáne qajetti ónimdi árdaiym tabý múmkindigi (36%) tur. Suranystyń ósýin Ozon.kz statistikasy da rastaidy: 2024 jyly bir paidalanýshyǵa keletin tapsyrys jiiligi 2023 jylmen salystyrǵanda 56%-ǵa ósti. Bul dinamika marketpleisterdiń Qazaqstandaǵy pozitsiiasynyń nyǵaiyp, saýda jasaityn ádettegi arnaǵa ainalatynyn aiqyn kórsetedi.
Qazaqstandyqtar onlain-shopingti tiimdi paidalanady: saýalnama nátijelerine sáikes, satyp alýshylardyń kópshiligi (43,9%) taýarlardy tańdaý kezinde ártúrli alańdardaǵy usynystardy salystyra otyryp, sapa men baǵa araqatynasyn basshylyqqa alady. Respondentterdiń úshten biri (32,3%) "Tańdaýlylarǵa" nemese "Sebetke" qosylǵan taýarlarǵa jeńildikter bolýyn qadaǵalap otyratynyn rastady. Sondai-aq árbir úshinshi (30,9%) qazaqstandyq saýdany aqsha (jalaqy, syiaqy jáne t.b.) túskenge deiin keiinge qaldyrady. Respondentterdiń sondai bóligi (shamamen 30,5%) saýda jasamas buryn taýardy satyp alý qajettiligin baǵalap, ózine "oilanýǵa ýaqyt" beredi. Eń az tanymaly (14,9%) "kórdim - satyp aldym" emotsionaldy stsenariii boldy, bul qazaqstandyqtardyń shopingke degen sanaly ári utymdy kózqarasyn dáleldeidi.
Mereke qarsańynda onlain-shoping tanymaldylyǵynyń ósýi
Qazaqstandyqtar merekelerge daiyndyq kezinde marketpleisterdi jiirek tańdaidy. Zertteýge sáikes, respondentterdiń 54,8%-y merekelik syilyqtar men taýarlarǵa internet arqyly tapsyrys berýdi tańdasa, 39,4%-y ǵana dástúrli dúkenderdi tańdaidy. Bul úrdis túrli taýar sanattarynda baiqalady. Máselen, kosmetika men parfiýmeriia satyp alý úshin respondentterdiń 49%-y, úi taýarlary úshin - 46,5%, balalarǵa arnalǵan taýarlar úshin - 42,1%, al aksessýarlar men hobbi jáne shyǵarmashylyq taýarlary úshin - 48,1%-y onlain-shopingti tańdaidy. Bul rette árbir úshinshi qazaqstandyq (33%) marketpleiste bir tapsyrysqa 10 000-nan 30 000 teńgege deiin aqsha jumsaidy.
Árine, merekeler marketpleisterdegi saýdany arttyrýda mańyzdy ról atqarady. Qazaqstandyqtar syilyqtardy belsendi satyp alatyn eń tanymal sebepterdiń ishinde Týǵan kún (39,5%), Jańa jyl (34,4%) jáne Halyqaralyq áielder kúni (25%) erekshelenedi. Bul tendentsiialar marketpleisterdegi suranys dinamikasymen de rastalady. Mysaly, Jańa jyl qarsańynda Ozon.kz tapsyrystar sany shamamen 70%-ǵa ósti.
Budan bólek, marketpleisterde árbir altynshy qazaqstandyq demalys (16,7%) nemese oqý jylynyń bastalýy (16,4%) aldynda taýarlarǵa tapsyrys beredi. Satyp alýshylardyń taǵy 15%-y mereitoi nemese estelik datalarǵa arnap onlain saýda jasaidy. Shamamen árbir onynshy adam úilený aldynda (11,3%), sondai-aq Naýryz qarsańynda (10%) onlain-shopingke júginedi. Batys dástúrleri (Áýlie Valentin kúni - 5,8%, Helloýin - 5,4%) ázirge respýblika turǵyndary arasynda onlain-saýda jasaýdyń negizgi sebepterine jatqyzylmady.
Qazaqstandyqtar Ozon.kz-te Naýryzǵa qalai daiyndaldy
Ozon Qazaqstan kóktemniń basty merekesi qarsańynda qazaqstandyqtardyń jasaǵan saýdalaryn taldap, negizgi merekelik sanattarda suranystyń aitarlyqtai óskenin anyqtady.
Máselen, aqpan aiynyń sońy men naýryz aiynyń sońy aralyǵynda respýblika turǵyndary kóbine Ozon.kz-ten Naýryz kezinde merekelik dastarhandy bezendiretin jaryq pen jańarýdyń dástúrli simvoly bolyp tabylatyn shamdarǵa tapsyrys bergen. Mereke qarsańynda bul ónimge suranys 2 eseden asa ósken (+110%). Ydys-aiaq ta suranysqa ie boldy - shynyaiaqtar men shai ydystaryna degen suranys 20%-ǵa, tabaqtarǵa 54%-ǵa ósken.
Syilyq retinde qazaqstandyqtar kóbinese dene kútimine (+79%), betke arnalǵan (+50%) kosmetika jiyntyǵyna, sondai-aq parfiýmeriiaǵa (+47%) tapsyrys bergen. Sonymen qatar, 2025 jyly "Sulýlyq jáne densaýlyq" sanatyndaǵy Naýryz aldyndaǵy ortasha chek 2 esege jýyq ósken.
Dastarhanǵa arnalǵan dástúrli taǵamdar da tanymal saýda tiziminde boldy: sońǵy aida marketpleiste tosapqa (+33%), pisirý dekoryna (+28%), balǵa (+22%) jáne japyraqty shaiǵa (+20%) suranys kúrt ósti.
Zertteý 2024 jyldyń qarasha-jeltoqsan ailarynda URTG Group Group-pen birge júrgizildi. Zertteý barysynda Qazaqstan Respýblikasynyń barlyq óńirlerinen 2000 respondentke saýalnama júrgizildi.
Ozon Qazaqstan — shtab-páteri Almatyda ornalasqan kóp sanatty marketpleis. Kompaniia 2021 jyldan bastap elde óziniń logistikalyq infraqurylymyn damytyp keledi. Búginde kompaniianyń logistikalyq qýattylyǵy respýblikada 2 fýlfilment-ortalyqty, Almaty men Astana qalalaryndaǵy 2 suryptaý ortalyǵyn, sondai-aq Qostanai, Aqtóbe, Atyraý jáne Shymkent qalalaryndaǵy 4 suryptaý ortalyǵyn qamtidy. 2024 jyly Ozon Qazaqstan ainalymy 2023 jyldyń sáikes kezeńimen salystyrǵanda 3 eseden astam ósti.
