Joǵarǵy aýditorlyq palata tóraǵasy Álihan Smaiylov oligarhtarǵa memleket tarapynan jeńildetilgen kredit berý praktikasyn synǵa alǵannan beri, oǵan qarsy anonimdi telegram arnalardan bastap, túrli sarapshylar tarapynan negizsiz syn kóbeigen, - dep habarlaidy Dalanews.kz DALA INSIDE arnasyna siltep.
«Eski oligarhtar biylǵy mamyr aiynan beri «Ózge Qazaqstan» atty beiresmi jasyryn uiym quryp, bir jerge toptasa bastady. Ózderiniń ideologtary bar jáne olar 2029 jylǵy prezident sailaýyna tyńǵylyqty daiyndyq jasap, jospar ázirleýde. Álihan Smaiylovtyń oligarhtarǵa qarjylandyrý berip otyrǵan Qazaqstan Damý bankiniń jumysyna aralasa bastaýy olardyń ashýyn týǵyzyp otyr. Sondyqtan oligarhat túrli aqparattyq shabýyldar arqyly Álihan Ashanulyna «aiaǵyńdy tart» degen signal bergisi keledi», — deidi, DALA INSIDE derekkózi.
Arna málimetinshe, sońǵy ýaqytta «Ózge Qazaqstan» iri kásiporyndardaǵy kásipodaqtarmen astyrtyn bailanysyn kúsheitti. Olar óziniń negizgi elektoratyn biýdjetke baǵynyshty emes jumysshy tap pen fermerlerden qurmaq. Monoqalalar men iri kásiporyndarda keminde eki million adamnan asatyn elektorat bar ekenin eskersek, «Ózge Qazaqstan» bolashaqta eleýli kúshke ainala alady.
«Óz ókilin prezident qylý jospary arzan turmaidy. 5 jyl tolassyz jumys júrýi qajet. Aldyn-ala esepteýlerdiń ózinde júzdegen milliard teńge qajet ekeni belgili boldy. Jáne ol biznestegi oborottan tys, basy bos aqsha bolýy kerek. Sondyqtan da oligarhatqa Qazaqstan Damý banki syndy jeńil qarjylandyrý kózderi aýadai qajet», — deidi, derekkóz.
Arna «Ózge Qazaqstan» ózin belgili bir saiasi qozǵalys retinde tek 2027 jyldary ashyq kórsetedi dep topshylaidy. Oǵan deiin astyrtyn jaqtastar tartý, barlyǵyn bir ideologiiaǵa biriktirý, infraqurylym daiyndap, shtabtar ashý boiynsha sharýalar atqarýy ábden múmkin.
