Memlekettik kirister komıteti Ózbekstanmen shekaradaǵy "Qaplanbek" beketindegi uzyn-sonar kezektiń sebebin túsindirdi,- dep habarlaıdy Dalanews.kz.
"Munyń basty sebebi - Qurban aıt merekesine baılanysty kórshiles memleket azamattarynyń elderine qaıtýy. Jaǵdaıdy retteý maqsatynda eki taraptyń múddeli memlekettik organdary kelissóz júrgizdi", - dep jazylǵan habarlamada.
Jaǵdaıdy sheshý úshin Ózbekstan tarapy shekara jáne keden qyzmetkerleri sanyn eki esege arttyrǵan.
"Jaı kúnderi "Qaplanbek" ótkizý pýnktinen eki baǵytta 27 myń adam, 800 kólik, al mereke kúnderi 38 myń adam, 1,1 myńnan asa kólik ótedi", - dep jazylǵan habarlamada.
Komıtet shekaradan ótýdi oılaǵan azamattarǵa qazirgi jaǵdaıdy eskerip, sapardy aldyn ala josparlaýdy usyndy.
