Ózbekstan prezıdenti Shavkat Mırzıóev pedofılderge ómir boıyna bas bostandyǵynan aıyrý jazasyn engizýdi qarastyratyn jarlyqqa qol qoıdy, dep habarlaıdy Dalanews.kz.
Qujatqa sáıkes, kámeletke tolmaǵandarǵa qatysty zorlaý, ádepsiz áreketter jasaý jáne olardyń jynystyq qol suǵylmaýshylyǵyn buzýdyń kez kelgen túri úshin ómir boıyna bas bostandyǵynan aıyrý jazasy qarastyrylǵan.
Qyrǵyzstan bıligi de balalar men áıelderge qarsy jasalǵan qylmystar úshin ómir boıyna túrme jazasyn engizýdi usynǵan.
Buǵan deıin prezıdent Sadyr Japarovtyń ákimshiligi pedofılıa jáne zorlaýmen qatar jasalǵan kisi óltirý qylmystary úshin ómir boıyna bas bostandyǵynan aıyrýdy engizý týraly zań jobasyn qoǵamdyq talqylaýǵa shyǵarǵan.
Qazaqstanda zań birneshe ret qatańdatyldy. Qazir kishkentaı balalarǵa qarsy aýyr seksýaldyq qylmystar úshin ómir boıy túrme jazasy taǵaıyndalýy múmkin.
