AQSh-tyń álemdegi dini bostandyq jónindegi komissiia (USCIRF) jyl saiynǵy esebin jariialady. Onda Ózbekstandy "qatty alańdatatyn elder" qataryna jatqyzǵan. Qujatta elde dini sebeppen 13 myńǵa jýyq adamnyń sottalǵany, olardyń kóbi túrmede zorlyq-zombylyq kóretini aitylǵan.
Baiandamaǵa sáikes, 84 dini sebeppen sottalýshy bir adamdyq kamerada otyrady. 2015 jyly Reseiden, Túrkiiadan, Eýropadan jáne AQSh-tan oralǵan eńbek migranttary "Islam memleketi" terroristik uiymyna múshe degen kúdikpen jappai tutqyndalǵany aitylady. Olardyń 200-ge jýyǵynyń taǵdyrlary áli kúnge deiin belgisiz.
Halyqaralyq komitet jasaǵan esepte ustalǵandardyń ekstremistik uiymdarǵa múshe ekendigi jóninde dálel joq dep atap ótken.
"Ózbek úkimetiniń málimdemesine qaramastan, túrmelerde, militsiia ýchaskelerinde zorlyq-zombylyq qoldanylady", - delingen esepte.
Qujat avtorlary AQSh biliginen ózbek úkimetimen halyqaralyq mindettemelerin oryndaý jóninde kelisimge otyrýyn suraidy. Eger oryndamaǵan jaǵdaida Ózbekstanǵa sanktsiia engizý kerek dep esepteidi. Olar sonymen AQSh Memlekettik departamentine Ózbekstandy "qatty alańdatatyn elder qataryna" engizýdi usyndy.
