Halyq aqyny jáne Ózbekstan qaharmany Abdýlla Aripov 5 qarashada 75 jasynda amerikalyq Hiýston qalasynda dúnieden ozdy.
Ótken beisenbi kúni aqyn búireginiń isten shyǵýyna bailanysty komaǵa túsip, Hiýston klinikasyna jetkizilgen. Ózbekstan gimniń avtory Abdýlla Aripov sońǵy eki aida qyzy Mavliýda Aripovanyń amerikalyq Tehas shtatyndaǵy úiine qonaqtap barǵan.
Aripov 1941 jyly Ózbekstannyń Qashqadariia oblysynyń Nekýz aýylynda dúniege kelgen.
1963 jyly jýrnalistika fakýltetin aiaqtaǵan soń, ol túrli basylymdarda redaktor bolyp istedi, Ózbekstan jazýshylar Odaǵynyń tóraǵasy qyzmetin atqardy. 1988 jyly ol Ózbekstan avtorlyq quqyq jónindegi komitetiniń tóraǵasy qyzmetine taǵaiyndalǵan.
2000–2001 jyldary Abdýlla Aripovtyń tórt tomdyq shyǵarmalar jinaǵy jaryq kórdi. Aqynnyń óleńderi álemniń kóptegen tilderine aýdarylǵan.
