Ekinshi kontserttiń sońyna taman kórermenderdiń qoshameti sharshatqan Alla Pýgachevanyń sahna syrtyndaǵy akýstikalyq mikrofonnyń qosýly turǵanyn ańdamai: «Oh, kak nadoeli mne eti barany!» degen sózi estiledi. Zaldyń aldyńǵy jaǵy gý etip baryp, bir basylady. Biraq grýzin men armianǵa qaraǵanda «tolerantty» qazaq kontsertti sońyna deiin tyńdap qaitady.
Erteńinde bir «baran» Pýgachihanyń ol sózin ministrlikke jetkizedi. Ózaǵań QazTV-dan (álde Qazradiodan) kontserttiń jazbasyn aldyryp, Allanyń aitqan sózinen qulaǵdar bolady.
Mine, sol kúnnen bastap, Allanyń Qazaqstanǵa kontsertpen kelý joly jabylady. Erteńinde KSRO Mádeniet Ministrligi men KPSS Ortalyq Komitetiniń mádeniet bólimi bul jaǵdaidan habardar bolady.
Sodan 1991-shi jylǵa deiin – Ózbekáli Jánibekov TsK-nyń hatshylyǵynan pensiiaǵa ketkenge deiin, Alla Qazaqstanǵa attap basa almady. «Soiýzkontsert» birlestiginiń Qazaqstanǵa gastroldik baǵdarlamasynan Pýgacheva syzylyp tastalyp otyrdy. Syzyp tastaýdy qyzmetten ketkeninshe talap etken – Ózbekáli Jánibekov. Máne naǵyz nar tulǵa!
Ermurat Bapi
