Burynǵy tótenshe jaǵdailar birinshi vitse-ministr Ibragim Kúlshimbaev 5 jylǵa sottaldy, - dep habarlaidy Dalanews.kz Antikorǵa siltep.
Aqmola garnizonynyń áskeri soty Ibragim Kúlshimbaevqa úkim shyǵardy.
"Ol jeke úiin salý úshin áskeri qyzmetshiler men arnaiy tehnikany tartý týraly Tótenshe jaǵdailar ministrliginiń vedomstvolyq baǵynysty mekemeleriniń basshylyǵyna zańsyz nusqaýlar berý arqyly bilikti asyra paidalanǵany úshin kináli dep tanyldy.
Sot úkimimen oǵan memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiyna tyiym salynyp, 5 jyl merzimge bas bostandyǵynan aiyrý túrindegi jaza taǵaiyndaldy", - dep jazylǵan habarlamada.
Sondai-aq sot memleket basshysynyń atyna Ibragim Kúlshimbaevty general-maior áskeri ataǵynan aiyrý týraly usynys engizýge qaýly etti.
Úkim zańdy kúshine engen joq.
