Atyraýda zaýyt jumysshylary Prezidentke hat joldady, – dep habarlaidy Dalanews.kz.
Atyraý vagon jasaý zaýytynyń jumysshylarynyń aitýynsha, zaýyttaǵy qyzmetkerlerdiń 90 paiyzdan astamy – Qazaqstan azamattary. Alaida basshylyq quramnyń kópshiligi memlekettik tildi bilmeidi, bul ózara túsinistikke kedergi keltiredi.
"Memlekettik tildi jáne eki tildi meńgergen azamattar ákimshilik qyzmetterge tartylsa deimiz. Bul – tildik teńdik pen kásibi ádilettiliktiń kórinisi", – dep jazylǵan hatta.
Sonymen qatar, dini erkindik máselesi de kóterilgen. Jumysshylardyń aitýynsha, Qurban ait merekesimen olardy eshkim quttyqtamaǵan, al juma namaz oqý týraly ótinishteri jumysynan aiyrylý qaýpine ákelgen.
"Bir saǵat ta ýaqyt bermeidi. Suraǵandar saldarynan qorqady", – dep jazylǵan hatta.
Jumysshylar bul úndeýdi shaǵym emes, "tatýlyq pen qurmetke shaqyrǵan ún" dep atap ótken.
Atyraý vagon jasaý zaýyty - 2023 jyly Texol kompaniialar toby iske qosqan óndiristik joba. Zaýyt júk vagondary, platformalar men tsisternalar shyǵarady.
Bul jaǵdaiǵa qatysty zaýyt ókilderi pikir bildirgen.
"2025 jylǵy 16 maýsymda "Atyraý vagon jasaý zaýytynda" qyzmetkerler toby jumysty 9 saǵatqa toqtatyp, birneshe talap qoidy: orys tildi tseh basshysyn jumystan shyǵarý jáne eńbek ónimdiligin tómendetip, jalaqyny sol deńgeide qaldyrý. Biz bul áreketti qysym kórsetý jáne manipýliatsiia jasaý dep baǵalaimyz. Tseh basshysy – bilikti maman. Keiin oqiǵaǵa qatysqandardyń basym bóligi jumysqa qaita oralyp, jańsaq túsinikke urynǵanyn aitty. Jumys berýshi quqyq qorǵaý organdaryna jáne sotqa júgindi. Tekseris júrgizildi, eshqandai zańbuzýshylyq anyqtalǵan joq.
Atyraý vagon jasaý zaýyty - Texol tobynyń bir bóligi. Top óńirde 25 jyldan asa ýaqyt boiy jumys istep keledi. Ujym kópultty, barlyq resmi qujat qazaq jáne orys tilderinde júrgiziledi. Qyzmetkerler eńbek sharttarymen jáne jumys kestesimen aldyn ala tanysqan. Óndiriste dini rásimderge jol berilmeidi, bul zańmen tikelei rettelgen. TEXOL eńbek tártibin, zańdylyqty jáne ultaralyq kelisimdi qoldaidy. Biz etnikalyq nemese dini alaýyzdyq týǵyzýǵa baǵyttalǵan kez kelgen áreketke qarsymyz", - dep jazylǵan jaýapta.
