2020 jyldan bastap elimizde sybaılas jemqorlyq faktileri týraly habarlaǵan azamattardy kótermeleýdiń jańa saralanǵan júıesi engizildi.
Osyndaı aqparat berýshilerdi yntalandyrý júıesi Germanıa, AQSH, Ulybrıtanıa sıaqty shet elderde de sátti qoldanylady.
Qazirgi ýaqytta sybaılas jemqorlyq quqyq buzýshylyq týraly habarlaǵany úshin para nemese keltirilgen zalal somasy 1000 AEK-ten aspaıdy, syıaqy qylmystyń aýyrlyǵyna baılanysty 100 AEK-ke deıin quraıdy.
Sybaılas jemqorlyq faktisi týraly 1000 AEK-ten astam zalal keltirgeni úshin syıaqy 10 paıyzdy quraıdy, biraq 4000 AEK-ten aspaıdy.
Atap aıtsaq, bıylǵy jyldyń basynan bastap Shyǵys Qazaqstan oblysynda sybaılas jemqorlyq faktileri týraly Oblystyq sybaılas jemqorlyqqa qarsy qyzmetke habarlaǵan 6 azamatqa syıaqy tabystaldy.
Sonymen, osy jyly syıaqynyń eń joǵary mólsheri 4 mln.teńgeni, al eń tómeni – 138 900 teńgeni qurady.
Atap ótetin bolsaq, azamattardy kótermeleý, eger habarlaǵan adamnyń usynǵan aqparaty shyndyqqa saı bolsa, nemese quzyretti organdarǵa sybaılas jemqorlyq quqyq buzýshylyqty anyqtaýda, jolyn kesýde, ashýda jáne tergeýde kómektesken jaǵdaıda, júzege asyrylady.
Sybaılas jemqorlyq faktisi týraly habarlaǵan adamdardy qorǵaý «Sybaılas jemqorlyqqa qarsy is-qımyl týraly» Qazaqstan Respýblıkasy Zańynyń normalaryna sáıkes júzege asyrylady, sonymen qatar, bundaı jaǵdaılar týraly habarlaǵan adam aqshalaı qarajatpen kótermelenip qana qoımaı, memlekettiń qorǵaýynda bolady. Bundaı adam týraly aqparat memlekettik qupıa bolyp tabylady.
Barlyq azamattardy sybaılas jemqorlyq kórinisterine "nóldik" tózimdilikke shaqyramyz. Al ondaı jaǵdaı bolǵanda, bul týraly SHQO sybaılas jemqorlyqqa qarsy qyzmetine 8 (7232) 29-88-88 nómirine nemese 1424 Call-ortalyǵyna habarlaý qajet.
Óz elińizdiń patrıoty bolyńyz, sybaılas jemqorlyqqa jol bermeńiz!
