Olar – «Shyǵyshan qazaq pa?», «Segiz seri ómirde bolǵan ba, bolmaǵan ba?», «Tileýqabyl Óteiboidaquly tarihta bolmaǵan ba, bolmaǵan ba?» jáne áigili Orbulaq shaiqasyna qatysty ushy-qiyry joq daý-sharlar taǵy bar. Budan basqa dinge qatysty taqyryp boiynsha Altai men Atyraýdyń arasyn en jailaǵan qalyń qazaq ailap, aptalap daýlasýdan jalyqpaidy.
Taiaýda ǵana oramalǵa qatysty daýdyń túńdigi jelpildep baryp basyldy. Bir qyzǵy, osy joly dástúrli daýdyń shoǵyn Oqý-aǵartý ministri Ǵani Beisembaev úrlegeni qyzyq boldy. Kimnen ruqsat aldy eken a...
Al qazir álemjelide Segiz seriniń ómirde bolǵan, bolmaǵanyn tańnyń atysy, kúnniń batysy talqylanýda.
Al aldaǵy ailarda Shyńǵyshan taqyryby trendke shyǵýy ábden múmkin.
Osylaisha qazaq eli bir daýdy bir daýǵa jalǵap, qyzyl keńirdek bolyp aitysýda. Álgi daýly postardyń astyndaǵy kommentariilerdi oqysańyz talqylaýshylar bir-biriniń jeke basyn qaralap, opponentterin Qosobanyń túbine shaqyryp, telefon nomerin tastaǵanyn da baiqadyq.
Bizdiń qoǵamda qyzý talqylanatyn máselelerdiń bári ótkenniń enshisindegi buldyr áńgimeler. Dál qazirgi másele eshkimdi qyzyqtyrmaidy.
Ýtilalym, bankter men kenishterdiń bir qoldan bir qolǵa ótip, áldekimderdiń mol aqshaǵa bir kúnde ie bolyp jatqanymen eshkimniń isi joq. Bulai memleketimiz aiaqqa turmaidy. Ótkendi ezebelep, áńgime aitýdy toqtatý kerek. Áitpese qurdymǵa qulaimyz!
