Máselen, 2022 jylǵy 9 qańtarda túngi saǵat 01-25-te elordalyq qutqarýshylar «Úrker» turǵyn úi alabyndaǵy kezekti shaqyrtýǵa shyqty. Qar qursaýynda qalyp qoiǵan kólikten jolaýshylary óz betinshe shyǵa almai qalǵan. Oqiǵa ornyna kelgen qutqarýshylar dereý avariialyq-qutqarý jumystaryn júrgizýge kirisip, júkshyǵyr arqyly qar qursaýynan avtokólikti shyǵaryp aldy. Kólik ishinde 5 adam, onyń ishinde 2 bala bolǵan. Qutqarý bólimsheleri ótimdiligi joǵary «Trekol» tehnikasynda azamattardy qalaǵa aman-esen jetkizdi.
2022 jylǵy 9 qańtarda túnde saǵat 00:35-te qutqarý qyzmetine aýdandyq mańyzy bar jolda Qostanai oblysynyń Angarskoe aýylynan 15 shaqyrymynda «Toyota» kóliginiń júrgizýshisi tizgindi basqara almai joldan shyǵyp ketti.
Avtkólikte úsh adam bolǵan, olardyń bireýi bala. Zardap shekken adamdardyń eshqaisysyna meditsinalyq kómek qajet bolmady. Oqiǵa ornyna kelgen qutqarýshylar kólikti tas jolǵa shyǵaryp, jolaýshylar óz baǵytyn jalǵastyrdy.
Qutqarýshylar kúsheitilgen rejimde jumys isteidi jáne táýlik boiy daiyndyq ústinde. Olar tótenshe jaǵdaida qalǵan azamattarǵa árdaiym kómek kórsetýge daiyn.
Tótenshe jaǵdailar ministrligi azamattarǵa aýa raiy nasharlaǵan jaǵdaida eldi mekenderden tys jáne alys qashyqtyqqa, ásirese táýliktiń qarańǵy ýaqytynda jol júrýden jáne jaiaý ótýden bas tartý qajettigin eskertedi.
Qurmetti azamattar, tótenshe jaǵdai týyndaǵan jaǵdaida 112 nómirine qońyraý shalyńyzdar.
