Jıynnyń shymyldyǵyn túrgen saıasattanýshy Edýard Poletaev, óz sózinde: «Shyny kerek, sońǵy kezderi tarıhı maqalalar jýrnalısıkanyń deńgeıine túsip ketti. Naqtyraq aıtsam, tarıhı maqalalar reıtıń qýyp ketti. Eń qyzyǵy, mundaı dúnıeler oqyrmandar arasynda erekshe suranysqa ıe. Menińshe, tarıh qoǵamdy qaq jarmaýy, kerisinshe biriktirýi qajet. Bul týraly Astanadaǵy alqaly jıynda «biz ótken tarıhymyzdy eske alǵan kezde ókinbeýimiz jáne tunjyramaýymyz qajet. Ótken tarıh qazaqstandyqtardy qaq jarmaı, biriktirýi kerek» dep Qazaqstan prezıdenti Nursultan Nazarbaev ta aıtqan bolatyn», – degen pikir bildirdi.
Al tarıh ǵylymdarynyń kandıdaty Rýstam Ǵanıevtiń aıtýynsha, tarıh degenimizdiń ózi qujattyq derekterdi zertteý. Iá, tarıhty saıasattyń qanjyǵasyna baılap berdi degen áńgimeler jıi aıtylady. «Biraq, óz basym bul pikirmen kelispeımin. Sebebi, tarıh qaı kezde de tarıh. Bul sala qujatpen jumys isteıdi. Jáne tarıh týraly aıtqanda eshbir tarıhshy bul araǵa óziniń jeke pikirin kiriktirýge quqysy joq» dedi Ǵanıev.
Óz kezeginde jýrnalıs Vladıslav Iýrısyn: «Tehnologıa damyp, ár tustan tarıhshysymaqtar antalap, áleýmettik jelilerde óz kózqarastaryn bildirýge kóshti. Mundaı jaǵdaıda tarıh ertegige, derekter ańyzǵa aınalady» dedi.
Tarıh ǵylymdarynyń doktory Bolat Sultanovtyń pikirinshe, qazirgi tarıh ǵylymyn jalǵan tarıhshysymaqtar ǵana qurtyp otyrǵan joq. Tarıh ǵylymyna matematıka, fızıka, jaǵrafıa sıaqty ǵylymdar aralasyp ketti.
– Al bir kezderi, bizdiń stýdent kezimizde qandaı edi?! Belgili bir tarıhı jaıtty túsiný úshin stýdentter arheologıa, etnologıa, paleontologıany, nýmızmatıkany meńgeretin. Bul salalardyń barlyǵy da tarıh ǵylymymen óte tyǵyz baılanysty – dedi bul rette Bolat Sultanov.
