«Jumyspen qamtýdyń jol kartasy-2020» baǵdarlamasy aıasynda 17 myń adam qamtylyp, 4,6 jańa jumys orny ashyldy. 1,1 mlrd teńgeniń 442 mıkrokredıti berildi.
«Jumyspen qamtýdyń jol kartasy – 2020» baǵdarlamasy boıynsha ınfraqurylymdy júzege asyrýda 5,4 mlrd. teńgeniń 620 jobasyna jóndeý jumystary júrgizildi. Nátıjesinde densaýlyq saqtaý, bilim, ınjenerlik, transporttyq ınfraqurylymnyń, sport jáne mádenıet nysandary jańartyldy.
Eńbek resýrstarynyń jedeldigin jáne olardy baspanamen qamtý úshin Jarma men Úrjar aýdandarynda 13 jeke qyzmettik úıge ıe boldy. Óskemende jas mamandarǵa arnalǵan eki jataqhana qurylysy aıaqtaldy.
Qazaqstan Respýblıkasynyń Úkimeti qabyldaǵan baǵdarlama boıynsha ónimdi eńbekti jáne jappaı kásipkerlikti damytý úshin 2017-2021 jyl aralyǵynda turǵyndar arasynda oblystaǵy barlyq kolejderden tegin túrde kásibı-tehnıkalyq bilim alýǵa múmkindik týdy. Bıyl oblystyq búdjetten 1730 adamdy oqytý úshin 343,1 mln. teńge qarjy bólindi.
Jumyssyzdar men ózin-ózi jumyspen qamtyǵan turǵyndardy bir aıdan alty aıǵa deıingi ýaqytta kýrs oqytý qarastyrylǵan. Myń jarymǵa jýyq adamdy oqytý josparlanyp otyr.
Jeti jyl merzimge jyldyǵy alty paıyzdan aspaıtyn 16 mln. teńgege deıin shaǵyn nesıe berý qarastyrylǵan. 2017 jyly shaǵyn nesıege 1 054,2 mln. teńge qarjy bólingen. Oblysta jastar praktıkasyna 546 adam jiberilse, áleýmettik jumys oryndaryna 620 adamdy ornalastyrmaq.
