Týystas halyqtar arasyn jaqyndata túsetin, yntymaǵyn nyǵaitatyn, dástúrli ónerin ushtastyratyn Halyqaralyq jármeńkeniń shymyldyǵyn Qazaqstan Respýblikasy Mádeniet jáne sport ministrligi Mádeniet komitetiniń Tóraǵasy Seiitova Kúmis Qarsaqbaiqyzy, Halyqaralyq túrki mádenieti men murasy qorynyń ókili Muhanov Talǵat Nabidollauly jáne Otyrar aýdanynyń ákimi Sultanhanov Sáken Asylhanuly ashyp berip, uiymdastyrýshylar men qatysýshylar tarapyna ystyq yqylasyn bildirip, sáttilik tiledi.
Jármeńkeniń qadirli qonaǵy retinde shaqyrylǵan Qylýet mýzeiiniń direktory, Qazaqstan Sýretshiler jáne Dizainerler múshesi, Halyqaralyq Amanat syilyǵynyń iegeri Kendebai Qarabdalov pen Tynyq muhity Ortalyq Aziia qolónershiler keńesiniń Vitse prezidenti, «Bizdiń mura» qoǵamdyq qorynyń Prezidenti, Qazaqstan qolónershiler odaǵynyń tóraiymy Bekqulova Aijan Abdymanapqyzyna quttyqtaý sóz berilip, Halyqaralyq jármeńkege kelgen qonaqtar men qatysýshylarǵa óz alǵystaryn jetkizdi.
Ashylý saltanatynan keiin ádilqazylar alqasy tanystyryldy. Halyqaralyq jármeńkede:
Tynyq muhity - Ortalyq Aziia qolónershiler keńesiniń Vitse prezidenti, «Bizdiń mura» qoǵamdyq qorynyń Prezidenti, Qazaqstan qolónershiler odaǵynyń tóraǵasy Bekqulova Aijan Abdymanapqyzy qazylar alqasynyń tóraǵasy bolsa,
Qazaqstan Respýblikasy Mádeniet jáne sport ministrligi Mádeniet komitetiniń Tóraǵasy Seiitova Kúmis Qarsaqbaiqyzy
Qazaqstan Respýblikasy Mádeniet qairatkeri, Qazaqstan qolónershiler odaǵynyń múshesi, mýzei isiniń ardageri Bektalieva Ryskúl Iskendirqyzy
Turan-qazaq sýretshiler konsolidatsiiasynyń múshesi, Qazaqstan Respýblikasy «Mádeniet salasynyń úzdigi», belgili sýretshi Málik Ádilhan Tabylhanuly qazylar alqasynyń músheleri atandy.
Shara barysynda, ádilqazylar alqasy Túrkiia, Ózbekstan, Qyrǵyzstan, Túrkimenstan, Ázirbaijan memleketteri men Elimizdiń barlyq aimaqtarynan jinalǵan 50-den astam toqyma jáne zergerlik ónerdiń has sheberleriniń qolóner buiymdarymen tanysty.
Halyqaralyq jármeńke 2023 jylǵy 26-tamyz 18.00-ge deiin jalǵasyp, qolóner sheberleriniń ozyq úlgidegi týyndylary ádil qazylardyń sheshimimen saralanyp, úzdik dep tanylǵan qolóner sheberlerine jabylý saltanatynda arnaiy taǵaiyndalǵan júldeler tabystalatyn bolady.
