Otyrarda ótken qaiyrymdylyq sharasy
Qasietti Ramazan aiynyń ár Jumasynda ótip kele jatqan sharanyń keleshek urpaqqa berer taǵylymy men ónegesi mol. Ondaǵy negizgi maqsat aýyl okrýgterindegi az qamtamasyz etilgen, áleýmettik jaǵdaiy tómen otbasylarǵa azyq-túlik jáne basqa da kómekter berý arqyly olarǵa naqty qoldaý kórsetý bolyp tabylady.
Shara barysynda Sháýildir, Qoǵam, Arys, Temir Otyrar, Kókmardan aýyl okrýgterindegi áleýmettik jaǵdaiy tómen 35 otbasyna eki aptaǵa jeterlik azyq-túlik ónimderi tabystaldy. Qasietti aida saýaby mol qaiyrymdylyq jasap, ár shańyraqqa shattyq syilaǵan aýdan depýtattary men kásipkerlerine aýyl turǵyndary alǵysyn aityp, izgi lebizderin bildirdi.
