Astanada qala turǵyny ózin bank qyzmetkerimin dep tanystyryp «Otbasy bank» AQ arqyly bastapqy jarnasyz ıpotekalyq turǵyn úısatyp alýǵa kómektesý múmkindigi bar ekeni týraly aqparat taratqan, - dep habarlaıdy Dalanews.kz.

Mysaly, quqyqbuzýshy tanysyna bankten aýksıonda satylatyn tyıym salynǵan  úsh bólmeli páterdi ıpotekaǵa satyp alýdy usynǵan. Aýksıonǵa qatysý úshin 630 myń teńge suraǵan.

Biraz ýaqyttan keıin ıpoteka rásimdeý úshin shot ashyp, 11 mln teńge kóleminde aqsha qarajatyn salý qajettigin habarlaǵan.

Osyǵan uqsas syltaýlarmen óziniń tanysyn aldap, senimin teris paıdalana otyryp, jalpy somasy 14 mln teńgeden astam aqshany alaıaqtyq jolmen ıemdengen.

Onyń qylmystyq áreketteriniń nátıjesinde 22 jábirlenýshige 55 mln teńgeden astam materıaldyq shyǵyn keltirilgen. Kináli tulǵa 3 jylǵa bas bostandyǵynan aıyryldy.

Jábirlenýshilerdiń azamattyq talap aryzdary qanaǵattandyryldy.

Sot úkimi zańdy kúshine engen joq.

Prokýratýra azamattardy tek ýákiletti uıymdarǵa júginýge shaqyrady jáne alaıaqtyq jasaǵany úshin múlki tárkilenip 10 jylǵa deıin qylmystyq jaýapkershilik qarastyrylǵanyn eskertedi.