«Qazteleradio» 5 aqpanda el boiynsha josparly profilaktikalyq jumystar júrgiziletinin habarlady,dep habarlaidy Dalanews.kz.
Kompaniia málimetinshe, jumystar 5 aqpan kúni saǵat 03:00-den 17:00-ge deiin bekitilgen kestege sáikes atqarylady. Osy ýaqyt aralyǵynda ulttyq spýtniktik, efirlik tsifrlyq jáne analogtyq teleradio habar taratý jabdyqtaryna, sondai-aq derekterdi berý jelilerine tehnikalyq qyzmet kórsetiledi.
Profilaktikalyq jumystar kezinde «OTAU TV» spýtniktik televideniesi, efirlik tsifrlyq jáne analogtyq teleradio habar taratý, derekterdi berý jáne telefoniia qyzmetterinde ýaqytsha úzilister bolýy múmkin.
«Qazteleradio» ýaqytsha qolaisyzdyqtar úshin keshirim surap, kórermender men abonentterdiń túsinistikpen qaraýyn ótindi.
