Shahar taǵy da bir sporttyq nysan el igiline paidalanýǵa berildi. Bizdiń elimiz úshin ústel tennisi – eń tanymal jáne buqaralyq sport túrleriniń biri. Tek ShQO-da 450-den astam tennis sektsiialary jumys isteidi, onda 11 myń adam ainalysady.
Elimiz boiynsha eń iri mamandandyrylǵan ústel tennisi ortalyǵynda 58 ústel men 300-ge jýyq kórermen orny bar. Sondai-aq, eń joǵary deńgeidegi halyqaralyq jarystardy qabyldai alady.
Biregei sport nysanynyń ashylý saltanatyna óńir basshysy Danial Ahmetov, Olimpiada chempiony Olga Rypakova, stol tennisi federatsiiasynyń prezidenti Daniiar Abýlǵazin jáne sport jankúierleri qatysty.
Oblysta buqaralyq sportty damytýǵa erekshe kóńil bólinip keletini jaily óńir basshysy erekshe atap ótip, bul sporttyq nysannan talai jeńimpazdardyń shyǵatynyna senim bildirdi.
– Búgin biz úshin erekshe kún dostarym. Tennis ortalyǵy halyqaralyq standarttarǵa sai. Álemdik deńgeidegi básekelerdi ótkizýge tolyq múmkindigimiz bar. Bolashaqta Aziia, Álem chempionattaryn ótkizetin kún alys emes, – dedi ShQO ákimi Danial Ahmetov.
Óskemen qalasynyń turǵyndary kásibi jáne áýesqoi sportpen ainalysýǵa barlyq múmkindikteri bar. Ortalyqta ústel tennisinen arnaiy ashylǵan balalar men jasóspirimder sport mektebi jumys isteidi, ol úshin kásibi jattyqtyrýshylar eńbek etedi.
Sondai-aq ǵimaratta sportshylardy ońaltý jáne fizioterapiiaǵa arnalǵan eń zamanaýi jabdyqtarmen jabdyqtalǵan meditsinalyq dispanser ornalasqan.
Búginde Memleket basshysy Qasym-Jomart Kemeluly Toqaev buqaralyq sportty damytýǵa erekshe kóńil bólýde. Óskemen qalasynda ashylǵan stol tennisi ortalyǵy halyqtyń sportqa degen qyzyǵýshylyǵyn arttyryp, bolashaq chempiondardy tárbieleitin nysan bolary anyq.
