Sait málimetinshe, qaza tapqan er adam - jergilikti tanymal sportshy Eler Iýnýsmetov bolyp shyqqan. Óskemen turǵynyn 13 qańtarda óltirip ketken bolatyn. Bul sát videoǵa túsip qalǵan. Shaqyrý boiynsha jetken politseiler Óskemendegi úilerdiń biriniń kireberisinen er adam óli jatqanyn anyqtady.
Marqum er adam 1990 jyly Qaton-Qaraǵai aýdanyndaǵy Úlken Naryn aýylynda týǵan.
"Eler Iýnýsmetov - jekpe-jekten (MMA) halyqaralyq dárejedegi sport sheberi, kikboksingten sport sheberi, Kýdodan sport sheberi, Álem kýbogynyń iegeri jáne jekpe-jekten Eýraziia chempiony, "Katýni shaiqasy" Gran-priiniń iegeri (Resei Federatsiiasy). Ol sporttaǵy alǵashqy qadamdaryn 5 jasynda bastady, qabiletti balanyń alǵashqy jattyqtyrýshysy - ákesi boldy. Eler Iýnýsmetovtyń týystarynyń aitýynsha, sportshy týǵan aýylynda jerlenedi", - dep jazdy basylym.
