Oblystyq dram teatrda ótken merekelik sharada ShQO ákimi Danial Ahmetov shyǵysqazaqstandyqtardy Memlekettik rámizder kúnimen quttyqtady.
– Biyl, elimiz úshin eń qadirli, eń qasietti qundylyqtar – Memlekettik rámizderdiń 25 jyldyǵy. Memlekettik rámizder – Uly dala tósinde óz memleketin qurǵan qazaq halqynyń, armanynyń aqiqatqa ainalýynyń dáleli, búkil álemge Qazaqstan memleketin tanytqan, eńsesi biik eldik pen myzǵymas birliktiń belgisi. Rámizderdi qasterleý, ony bolashaq urpaqqa amanat etip tapsyrý – búgingi árbir azamattyń basty paryzy, patriotizm men Otanǵa degen shynaiy qurmettiń kórsetkishi, – dedi Danial Ahmetov.
Aita ketsek, 25 jyldyq aiasynda 2-4 maýsym aralyǵynda oblys boiynsha 300-ge jýyq merekelik shara josparlanǵan. Sonyń ishinde, qala jastary «Bipek Avto Qazaqstan» óndirisiniń kólikterimen qala ishinde avtosherý ótse, 4 maýsym kúni Amfiteatrda mádeni, sporttyq-saýyqtyrý sharalady ótedi.
